ភ្នំពេញ៖ការប្រែប្រួលអាកាសធាតុនៅតែជាបញ្ហាប្រឈមដ៏ធំបំផុតមួយនាពេលបច្ចុប្បន្ននេះ។ ផលប៉ះពាល់របស់វាកំពុងត្រូវបានទទួលដោយមនុស្សនិងធម្មជាតិនៅទូទាំងពិភពលោក ដោយប្រទេសកំពុងអភិវឌ្ឍន៍ត្រូវបានរងផលប៉ះពាល់ខ្លាំងជាងគេ។ មូលនិធិហូឡង់សម្រាប់អាកាសធាតុ និងការអភិវឌ្ឍន៍ (DFCD) អនុញ្ញាតឱ្យមានការវិនិយោគពីវិស័យ ឯកជននៅក្នុងគម្រោងនានាក្នុងគោលបំណង បន្ធូរបន្ថយ និងបន្សំទៅនឹងការប្រែប្រួលអាកាសធាតុ នៅក្នុងប្រទេសកំពុងអភិវឌ្ឍន៍។
ក្រសួងការបរទេសហូឡង់ បានផ្តល់ប្រាក់ ចំនួន១៦០លានអឺរ៉ូ ដើម្បីបង្កើនភាពធន់នៃសហគមន៍ និងប្រព័ន្ធអេកូឡូស៊ីដែលងាយរងគ្រោះបំផុតពីការប្រែប្រួលអាកាសធាតុ។ មូលនិធិ DFCO ត្រូវបានគ្រប់គ្រងដោយ សម្ព័ន្ធអ្នកត្រួសត្រាយនៃអ្នកគ្រប់គ្រងមូលនិធិអាកាសធាតុ (CEM) មូលនិធិពិភពលោកសម្រាប់ធម្មជាតិប្រចាំប្រទេសហូឡង់ (WWF-NL) និងអង្គការអភិវឌ្ឍន៍ហូឡង់ (SNV) ដែលមូលនិធិដឹកនាំដោយធនាគារអភិវឌ្ឍន៍សហគ្រិនហូឡង់ (FMO) ។
សម្ព័ន្ធមូលនិធិ DFCD មានគោលបំណងធ្វើជាគំរូឈានមុខគេសម្រាប់ភាពជាដៃគូក្នុងស្ថាប័ន ដើម្បីទាក់ទាញ និងដាក់ពង្រាយមូលធនសាធារណៈនិងឯកជននៅក្នុង គម្រោងដែលត្រូវបានរចនាឡើងយ៉ាងល្អ និងមានឥទ្ធិពលវិជ្ជមានសម្រាប់អាកាសធាតុ។ សម្ព័ន្ធនេះភ្ជាប់អ្នក ជំនាញអភិវឌ្ឍន៍គម្រោងរយៈពេលយូរអង្វែងរបស់អង្កការ SNV និង WWF-NL ទៅនឹងការបង្កើនដើមទុន និងសមត្ថភាពវិនិយោគរបស់ FMO និង CFM ។ ការវិនិយោគនេះនឹងអនុញ្ញាតឱ្យគម្រោងបញ្ចប់ការសិក្សាពីគំនិតទៅការអនុវត្ត ពេញលេញដោយប្រើប្រាស់ការផ្តល់ហិរញ្ញប្បទានពេញលេញក្នុងវត្តអាជីវកម្ម។ មូលនិធិ DFCD ផ្តល់ហិរញ្ញប្បទាននិងជំនួយបច្ចេកទេសដល់គម្រោងដោយផ្តោតលើការបន្សំាំនឹងការប្រែប្រួលអាកាសធាតុ ដើម្បីប្រមូលមូលនិធិពីវិស័យឯកជនខាងក្រៅតាមទំហំនៃការវិនិយោគអាជីវកម្ម។
ទាក់ទងនឹងគម្រោងនេះ រដ្ឋ និងវិស័យឯកជន ជំរុញឱ្យអ្នកវិនិយោគនៅកម្ពុជា ជាពិសេសក្នុងវិស័យកសិកម្ម ងាកមកធ្វើអាជីវកម្មណា ដែលពាក់ព័ន្ធនឹងកិច្ចការពារបរិស្ថាន និងការប្រឆាំងនឹងការប្រែប្រួលអាកាសធាតុ ដើម្បីទទួលបានមូលនិធិពីប្រទេសហូឡង់ សម្រាប់ពង្រីកអាជីវកម្មរបស់ខ្លួន ខណៈប្រទេសនេះគ្រោងផ្តល់ថវិកាប្រមាណ១៦០លានអឺរ៉ូ(ប្រហែល១៦៣លានដុល្លារ)ទៅដល់ក្រុមហ៊ុនឯកជន ដែលធ្វើអាជីវកម្មជួយដល់បរិស្ថាន។
ថ្លែងក្នុងសិក្ខាសាលាស្តីពីព្រឹត្តិកាណ៍ផ្គូផ្គងរបស់គម្រោង DFCD នាថ្ងៃទី១០ ខែសីហានៅសណ្ឋាគារឡឺរ៉ូយ៉ាល់នេះ លោក ទិន ពន្លក រដ្ឋលេខាធិការក្រសួងបរិស្ថាន បានថ្លែងថា ៖ «គម្រោងវិនិយោគលើវិស័យថាមពលកកើតឡើងវិញ គម្រោងអភិរក្សព្រៃឈើ គម្រោងកសិឧស្សាហកម្មដែលមាននិរន្តភាព គឺសុទ្ធតែជាគម្រោងដែលមានសក្តានុពលខ្ពស់ ដែលអាចដាក់សំណើ និងចូលរួមអនុវត្តក្នុងគម្រោងនេះ ដើម្បីចូលចំណែកជួយដល់សេដ្ឋកិច្ចសង្គមបង្កើតការងារ ការផ្ទេរបច្ចេកវិទ្យានិងកាត់បន្ថយការបញ្ចេញឧស្ម័នផ្ទះកញ្ចក់ដែលជាមូលហេតុនៃការប្រែប្រួលអាកាសធាតុ។
លោកបានបញ្ជាក់ថា «ហូឡង់បានផ្តល់ថវិកា ១៦០លានអឺរ៉ូនេះ គឺកម្រិតពិភពលោកទេ ប៉ុន្តែអត់កំណត់ថា ប្រទេសណាបានប៉ុន្មានទេ បានន័យថា បើយើងធ្វើមុនគេយើងបានមុនគេ។អ៊ីចឹងគម្រោងនេះគឺជាការចូលរួមរបស់វិស័យឯកជននៅក្នុងការដោះស្រាយការប្រែប្រួលអាការធាតុ។ ដោយឡែកតួនាទីរបស់ស្ថាប័នរដ្ឋក៏ដូចជាក្រសួងបរិស្ថាន គាំទ្រការអនុវត្តគម្រោងនេះដើម្បីធ្វើមិចឱ្យគម្រោងដែលស្នើឡើង អនុលោមទៅនឹងអាទិភាពរបស់រាជរដ្ឋាភិបាលពាក់ព័ន្ធនឹងការអភិវឌ្ឍន៍ផ្សេងៗ។យើងត្រូវតែយល់ច្បាស់ពីលក្ខខណ្ឌរបស់គេថាតើលក្ខខណ្ឌក្នុងការទទួលបានថវិកាយ៉ាងម៉េចខ្លះត្រូវតែយល់ឱ្យច្បាស់និងធ្វើទៅតាមគោលការណ៍ណែនាំរបស់គេតែសំខាន់គម្រោងត្រូវតែរួមចំណែកអនុវត្តសកម្មភាព ដែលដោះស្រាយបញ្ហាប្រែប្រួលអាកាសធាតុនៅកម្ពុជា និងរួមចំណែកអភិវឌ្ឍសេដ្ឋកិច្ចសង្គម បង្កើតការងារ លើកកម្ពស់សេដ្ឋកិច្ចប្រជាជននិងការពារបរិស្ថាន គឺសុទ្ធតែជាលក្ខណៈវិនិច្ឆ័យរួម»។
លោក តាន់ មុនីវណ្ណ អនុប្រធានសភាពាណិជ្ជកម្មកម្ពុជា បានថ្លែងប្រាប់អ្នកសារព័ត៌មានថាប្រសិនបើវិស័យឯកជនអាចទទួលបានមូលនិធិនេះនឹងទទួលបានផលទាំងអស់គ្នា ក៏ដូចជាពង្រឹងនូវអាជីវកម្មរបស់ខ្លួន និងចូលរួមចំណែកអភិវឌ្ឍន៍សេដ្ឋកិច្ចកម្ពុជាថែមទៀតផងដែរ។ទោះជាយ៉ាងនេះក្តីលោកឡើងឡើងថាលទ្ធភាពរបស់វិស័យឯកជននៅកម្ពុជា នៅក្នុងការទទួលថវិកាពីបានគម្រោងនេះអាចនឹងពិបាក។ ហេតុនេះ លោកលើកទឹកចិត្តឱ្យក្រុមហ៊ុន ដែលវិនិយោគលើវិស័យកសិកម្ម និងវិស័យផ្សេងទៀតគួររួមគ្នា និងសហការជាមួយក្រសួងពាក់ព័ន្ធរួមមាន ក្រសួងកសិកម្ម ក្រសួងបរិស្ថាននិងក្រសួងសេដ្ឋកិច្ចនិងហិរញ្ញវត្ថុដើម្បីធ្វើគម្រោងមួយក្នុងការទទួលបានមូលនិធិនេះ ព្រោះបើក្រុមហ៊ុនតែមួយ ដាក់ស្នើគម្រោងនេះ អាចនឹងពិបាកទទួលបាន។
ទោះជាយ៉ាងនេះក្តីលោកឡើងឡើងថា លទ្ធភាពរបស់វិស័យឯកជននៅកម្ពុជា នៅក្នុងការទទួលថវិកាពីបានគម្រោងនេះអាចនឹងពិបាក។ ហេតុនេះលោកលើកទឹកចិត្តឱ្យក្រុមហ៊ុន ដែលវិនិយោគលើវិស័យកសិកម្ម និងវិស័យផ្សេងទៀតគួររួមគ្នា និងសហការជាមួយក្រសួងពាក់ព័ន្ធរួមមាន ក្រសួងកសិកម្ម ក្រសួងបរិស្ថាន និងក្រសួងសេដ្ឋកិច្ច និងហិរញ្ញវត្ថុ ដើម្បីធ្វើគម្រោងមួយក្នុងការទទួលបានមូលនិធិនេះ ព្រោះបើក្រុមហ៊ុនតែមួយ ដាក់ស្នើគម្រោងនេះ អាចនឹងពិបាកទទួលបាន។
ចំណែកលោកឧកញ៉ា ហ៊ុន ឡាក់ ប្រធានក្រុមប្រឹក្សាភិបាលសហព័ន្ធស្រូវអង្ករកម្ពុជា និងជាប្រធានក្រុមហ៊ុន Tropicam Fruit and Vegetable បានប្រាប់Cambodia Flash News(CFN)ថា៖គោលបំណងធំសំខាន់ជាងគេនៃគម្រោងនេះសំដៅទៅលើការវិនិយោគបៃតងដែលគម្រោងនេះផ្ដោតទៅលើធ្វើយ៉ាងណាឲ្យមានតម្លាភាព និងនិរន្តរភាព ធ្វើយ៉ាងណាដើម្បីជួយទៅដល់ជីវភាពរស់នៅរបស់ប្រជាជនជួយទៅដល់បរិស្ថាននិងធ្វើយ៉ាងណាឱ្យឲ្យការអភិវឌ្ឍន៍ដំណើរទៅមុខដោយនិរន្តរភាព។គម្រោងនេះទាមទារការចូលរួមពីវិស័យឯកជន សាធារណៈនិងដៃគូអភិឌ្ឍ។
លោក ស៊ុយ កុកធាន អនុប្រធានសមាគមស្វាយចន្ទី បានមានប្រសាសន៍ថា៖ការប្រែប្រួលអាកាសធាតុពិភពលោកកំពុងយកចិត្តទុកដាក់យ៉ាងខ្លាំង។ សមាគមន៍ស្វាយចន្ទីបានធ្វើការជាមួយដែគូ ភាគីពាក់ព័ន្ធជាច្រើនទាំងឯកជន ទាំងសហគមន៍ជួយសម្របសម្រួលឱ្យវិស័យឯកជនអាចទទួលបាននូវមូលនិធិពីSNVដើម្បីធ្វើការងារទាំងឡាយក្នុងគោលបំណងកាត់បន្ថយការប្រែប្រួលអាកាសធាតុនិងជួយសម្រួលឱ្យវិស័យឯកជនឲ្យទទួលបាននូវមូលនិធិទាក់ទងទៅនឹងការប្រែប្រួលអាកាសធាតុនិងជំរុញវិស័យកសិកម្ម។គម្រោងនេះអាចជួយឲ្យមានការផ្លាស់ប្ដូរយ៉ាងច្រើនសំខាន់បំផុតទាក់ទងនឹងបម្រែបម្រួលអាកាសធាតុ។
លោក ប៉ែន សុវិជាតិ អនុរដ្ឋលេខាធិការ និងជាអ្នកនាំពាក្យក្រសួងពាណិជ្ជកម្ម ដែលបានចូលក្នុងសិក្ខាសាលានេះ បានឱ្យដឹងថាគម្រោងនេះនឹងផ្តល់អត្ថប្រយោជន៍ដល់កម្ពុជា ចូលរួមកាត់បន្ថយភាពក្រីក្រ បង្កើនជីវភាព និងជួយដល់សេដ្ឋកិច្ចជាតិ ដោយសារតែ គម្រោងនេះមានគោលដៅជួយដល់វិស័យកសិកម្មដែលធនជាមួយនឹងការប្រែប្រួលអាកាសធាតុ ដែលធ្វើឱ្យពួកគេមានលទ្ធភាពទទួលបានទុន ពង្រីកផលិតកម្មរបស់ខ្លួន ដើម្បីនាំចេញ។
លោកបន្តថា ក្រសួងពាណិជ្ជកម្មចូលរួមគាំទ្រ និងលើកទឹកចិត្តដល់ការធ្វើពាណិជ្ជករ ដែលគាំទ្រដល់បរិស្ថាន និងការពារការប្រែប្រួលអាកាសធាតុខណៈក្រុមហ៊ុនដែលធ្វើអាជីវកម្ម ដែលគិតពីបញ្ហាបរិស្ថាននៅមានតិចនៅឡើយ ៕ដោយៈសិរីមតី